Maxfiylik siyosati

NeoKassa — do‘kon uchun kassa dasturi. Bu sahifa dasturda qanday ma'lumot saqlanishini, uni kim ko‘rishini va qanday o‘chirish mumkinligini oddiy tilda aytadi.

Kim nima uchun javob beradi

Do‘kon o‘z xodimlari va mijozlari haqidagi ma'lumotning egasi va operatori. Mijoz ma'lumotini dasturga yozishdan oldin undan rozilik olish — do‘konning vazifasi.

NeoKassa ma'lumotni do‘kon topshirig‘i bilan saqlaydi va ishlaydi. Biz uni o‘z maqsadimizda ishlatmaymiz.

Saytdagi ariza bo‘yicha ma'lumot egasi — NeoKassa.

Qanday ma'lumot saqlanadi

Do‘kon xodimlari:

• ism va familiya, telefon, vakolat va filial
• parol — faqat shifrlangan ko‘rinishda, uni hech kim o‘qiy olmaydi
• do‘kon xohlasa: pasport raqami, manzil, rasm
• xodim Telegram botni ulasa — Telegram raqami (ID)
• ish kunlari, oylik va bonus hisobi

Do‘kon mijozlari (ularni do‘kon kiritadi):

• ism, telefon, manzil yoki joyi, tug‘ilgan kun, jinsi, STIR, Instagram, izoh
• xaridlar, qarz, to‘lov va va'dalar tarixi
• qarz berilayotgandagi ovozli yozuv — do‘kon shu imkoniyatni yoqsa
• mijoz Telegram botni ulasa — Telegram raqami, bot orqali yozishmalar va qo‘ygan bahosi

Saytdagi ariza: ism, telefon, do‘kon nomi (yozilsa) va tanlangan paket.

Nima uchun

• savdo, qarz, ombor va hisobotni yuritish
• xodim kirishi va har xodimga o‘z vakolati
• Telegram xabarlar (savdo, qarz eslatmasi, chek) — faqat botni o‘zi ulagan odamga
• yordam xizmati murojaatga javob berishi va nosozlikni tuzatishi
• ariza bo‘yicha siz bilan bog‘lanish

Ma'lumot reklama uchun ishlatilmaydi va sotilmaydi.

Kim ko‘radi

• shu do‘kon xodimlari — har biri faqat vakolati ruxsat bergan narsani
• boshqa do‘kon sizning ma'lumotingizni ko‘rmaydi
• NeoKassa yordam xizmati — faqat murojaat yoki nosozlik bo‘yicha; har kirishi va amali jurnalga yoziladi

Uchinchi shaxslar

Ma'lumot boshqa tashkilotga berilmaydi. Istisnolar:

• Telegram — xodim yoki mijoz botni o‘zi ulasa, xabar matni Telegram orqali yetkaziladi. Telegram — alohida xizmat, o‘z qoidalari bilan
• saytdagi ariza yordam xizmatining Telegram guruhiga ham yuboriladi
• qonun talab qilsa — vakolatli davlat organiga, qonunda belgilangan tartibda

Ma'lumot NeoKassa ijaraga olgan serverda saqlanadi; serverga kirish faqat NeoKassa da.

Xavfsizlik va zaxira

• sayt va dastur bilan aloqa shifrlangan (HTTPS)
• parollar shifrlangan ko‘rinishda saqlanadi
• har kuni zaxira nusxa olinadi; eski nusxalar o‘zi o‘chadi (hozir — 14 kundan keyin)

Qancha saqlanadi

• do‘kon dasturdan foydalanayotgan vaqt davomida
• do‘kon mijoz yoki xodimni o‘chirsa — u ro‘yxatlardan yo‘qoladi, lekin eski cheklar va qarz hisobi to‘g‘ri qolishi uchun tarixi saqlanadi
• qarzdagi ovozli yozuv — qarz yopilganidan bir yil o‘tgach o‘chirishga tushadi va do‘kon keyingi yozuvni yozganda o‘chiriladi
• do‘kon xizmatdan voz kechsa — so‘roviga ko‘ra uning ma'lumoti o‘chiriladi

Ko‘rish, nusxa olish, o‘chirish

Do‘kon mijozlar ro‘yxatini, savdo, qarz va hisobotlarni Excel’ga o‘zi yuklab oladi («Excel yuklab olish» vakolati bor xodim).

Do‘kon mijozi o‘z ma'lumoti haqida avval do‘konga murojaat qiladi — ma'lumot egasi do‘kon. Do‘kon javob bermasa, bizga yozing — so‘rovni do‘konga yetkazamiz.

To‘liq nusxa yoki o‘chirish so‘rovi: saytdagi ariza formasi orqali yozing.

O‘zgarishlar

Siyosat o‘zgarsa, shu sahifada yangi sana bilan chiqadi.

So‘nggi yangilanish: 22.10.2026